vuttodayapãṭha :


Namo tassa bhagavato arahato sammãsambuddhassa


Vuttodayaṃ


1. Saññãparibhãsãniddesa-paṭhamapariccheda


Ratanattayappaṇãma

1. Nama’tthu jana santãna, tama santãna bhedino;
dhammu’jjalanta rucino, munindo’dãta rocino.

Nimitta

2. Piṅgalã’cariyãdīhi, chandaṃ ya muditaṃ purã;
suddhamãgadhikãnaṃ taṃ, na sãdheti yathicchitaṃ.

Ganthaparimãṇa

3. Tato mãgadhabhãsãya, mattã,vaṇṇa,vibhedanaṃ;
lakkhya lakkhaṇa saṃyuttaṃ, pasanna’ttha,pada,kkamaṃ.

Abhidhãnãdi

4. Idaṃ vuttodayaṃ nãma, lokiya’cchandanissitaṃ;
ãrabhissa’mahaṃ dãni, tesaṃ sukhavibuddhiyã.

Gaṇasaṅketasaññã

5. Sabbaglã mnã,’digalahū, bhyã’,majjhan’ta garū jasã;
majjhan’talã ra,te’te’ṭṭha, gaṇã go garu,lo lahu.


Gaṇaniyama

6. bha,ja,sã sabbaga,lahū, pañci’me saṇṭhitã gaṇã;
Ariyãdimhi viññeyyã, gaṇo idha catu’kkalo.

Garu,lahusarūpa

7. Saṃyogã’di ca, dīgho ca, niggahītaparo ca, yo;
Garu, vaṅko, pãdanto,vã, rassoñ’ño mattiko lu’ju.

8. Pare pãdãdisaṃyoge, yo pubbo garuka’kkharo;
Lahu sa kvaci viññeyyo, tadudãharaṇaṃ yathã.

9. Dassanarasã’nubhãvane, nibaddhagedhã jinassa’yaṃ janatã;
vimhayajananī saññata, kriyã nu kaṃ nã’nurañjayati.

10. Viññeyyã lokato saññã, samuddo,su,rasãdinaṃ;
Pãdoñeyyo catutthaṃ’so, padacchedo yatī bhave.

11. Sama,maddhasamaṃ, vuttaṃ, visamaṃ cã’paraṃ tidhã;
samã lakkhaṇato pãdã, cattãro yassa taṃ samaṃ.

12. Yassan’timena dutiyo, tatiyenã’dimo samo;
ta’daddhasama, maññaṃ tu, bhinna lakkhaṇa pãdikaṃ.

13. Pãda’mekakkharã’rabbha, yãva chabbīsata’kkharã;
bhave pãdehi taṃ chandaṃ, nãnãnãmo’ditaṃ tato.

14. Daṇḍakã caṇḍavuṭṭhyã’di, pãdehi chahi, tīhi tu;
‘Gãthã’ti ca paratthe’vaṃ, chando saññã pakãsitã.

15. Anantaro’ditaṃ cañ’ña, metaṃ sãmañña nãmato;
‘Gãthã’icceva niddiṭṭhaṃ, munindavacane pana.

16. Visesanãmato kiñci, gahetvã sabbatho’citaṃ;
dassayissãma’haṃ te’ttha, nãmãnã’vi bhavissare.

Iti vuttodaye chandasi saññãparibhãsã niddeso nãma

Paṭhamo paricchedo.