บทสวดมนต์ทำวัตรเย็น (วัดป่าอภัยคีรี ยูเอสเอ)

 

บทสวดมนต์ทำวัตรเย็น

Abhayagiri Buddhist Monastery

Redwood Valley, CA 95470, USA

www.abhayagiri.org

 

. รตนัตตยาภิปูชา

 

โย โส ภควา อรหํ สมฺมาสมฺพุทฺโธ,

สฺวาขาโต เยน ภควตา ธมฺโม,

สุปฏิปนฺโน ยสฺส ภควโต สาวกสงฺโฆ,

ตมฺมยํ ภควนฺตํ สธมฺมํ สสงฺฆํ,

อิเมหิ สกฺกาเรหิ ยถารหํ อาโรปิเตหิ อภิปูชยาม.

สาธุ โน ภนฺเต ภควา สุจิรปรินิพฺพุโตปิ,

ปจฺฉิมาชนตานุกมฺปมานสา,

อิเม สกฺกาเร ทุคฺคตปณฺณาการภูเต ปฏิคณฺหาตุ

อมฺหากํ ทีฆรตฺตํ หิตาย สุขาย.

อรหํ สมฺมาสมฺพุทฺโธ ภควา,

พุทธํ ภควนฺตํ อภิวาเทมิ.

(กราบ)

สฺวากฺขาโต ภควตา ธมฺโม,

ธมฺมํ นมสฺสามิ.

(กราบ)

สุปฏิปนฺโน ภควโต สาวกสงฺโฆ,

สงฺฆํ นมามิ.

(กราบ)

 

ปุพฺพภาคนมการ

(หนฺท มยํ พุทฺธสฺส ภควโต ปุพฺพภาคนมการํ กโรม เส.)


นโม ตสฺส ภควโต อรหโต สมฺมาสมฺพุทฺธสฺส.
นโม ตสฺส ภควโต อรหโต สมฺมาสมฺพุทฺธสฺส.
นโม ตสฺส ภควโต อรหโต สมฺมาสมฺพุทฺธสฺส.

 

๑.๑ พุทฺธานุสฺสติ

 

(หนฺท มยํ พุทฺธานุสฺสตินยํ กโรม เส)

ตํ โข ปน ภควนฺตํ เอวํ กลฺยาโณ กิตฺติสทฺโท อพฺภุคฺคโต,

อิติปิ โส ภควา อรหํ สมฺมาสมฺพุทฺโธ,

วิชฺชาจรณสมฺปนฺโน สุคโต โลกวิทู,

อนุตฺตโร ปุริสทมฺมสารถิ,

สตฺถา เทวมนุสฺสานํ พุทฺโธ ภควาติ.

 

๑.๒ พุทฺธาภิคีติ

 

(หนฺท มยํ พุทฺธาภิคีตึ กโรม เส)

พุทฺธวารหนฺตวรตาทิคุณาภิยุตฺโต,

สุทฺธาภิญาณกรุณาหิ สมาคตตฺโต,

โพเธสิ โย สุชนตํ กมลํว สูโร,

วนฺทามหํ ตมรณํ สิรสา ชิเนนฺทํ.

พุทฺโธ โย สพฺพปาณีนํ, สรณํ เขมมุตฺตมํ,

ปฐมานุสฺสติฏฺฐานํ, วนฺทามิ ตํ สิเรนหํ.

พุทฺธสฺสาหสฺมิ ทาโส (ทาสี) ว, พุทฺโธ เม สามิกิสฺสโร,

พุทฺโธ ทุกฺขสฺส ฆาตา จ, วิธาตา จ หิตสฺส เม.

พุทฺธสฺสาหํ นิยฺยาเทมิ, สรีรญฺชีวิตญฺจิทํ,

วนฺทนฺโตหํ (ตีหํ) จริสฺสามิ, พุทฺธสฺเสว สุโพธิตํ.

นตฺถิ เม สรณํ อญฺญํ, พุทฺโธ เม สรณํ วรํ,

เอเตน สจฺจวชฺเชน, วฑฺเฒยฺยํ พุทฺธสาสเน.

พุทฺธํ เม วนฺทมาเนน (มานาย), ยํ ปุญฺญํ ปสุตํ อิธ,

สพฺเพปิ อนฺตรายา เม, มาเหสุง ตสฺส เตชสา.

(กราบหมอบลง)

กาเยน วาจาย ว เจตสา วา,

พุทฺเธ กุกมฺมํ ปกตํ มยา ยํ,

พุทฺโธ ปฏิคฺคณฺหตุ อจฺจยนฺตํ,

กาลนฺตเร สํวริตุงว พุทฺเธ.

 

๑.๓ ธมฺมานุสฺสติ

 

(หนฺท มยํ ธมฺมานุสฺสตินยํ กโรม เส)

สฺวาขาโต ภควตา ธมฺโม,

สนฺทิฏฺฐิโก อกาลิโก,

เอหิปสฺสิโก โอปนยิโก,

ปจฺจตฺตํ เวทิตพฺโพ วิญฺญูหีติ.

 

๑.๔ ธมฺมาภิคีติ

 

(หนฺท มยํ ธมฺมาภิคีตึ กโรม เส)

สฺวาขาตตาทิคุณโยควเสน เสยฺโย,

โย มคฺคปากปริยตฺติวิโมกฺขเภโท,

ธมฺโม กุโลกปตนา ตทธาริธารี,

วนฺทามหํ ตมหรํ วรธมฺมเมตํ.

ธมฺโม โย สพฺพปาณีนํ, สรณํ เขมมุตฺตมํ,

ทุติยานุสฺสติฏฺฐานํ, วนฺทามิ ตํ สิเรนหํ,

ธมฺมสฺสาหสฺมิ ทาโส (ทาสี) ว, ธมฺโม เม สามิกิสฺสโร,

ธมฺโม ทุกฺขสฺส ฆาตา จ, วิธาตา จ หิตสฺส เม.

ธมฺมสฺสาหํ นิยฺยาเทมิ, สรีรญฺชีวิตญฺจิทํ,

วนฺทนฺโตหํ (ตีหํ) จริสฺสามิ, ธมฺมสฺเสว สุธมฺมตํ.

นตฺถิ เม สรณํ อญฺญํ, ธมฺโม เม สรณํ วรํ,

เอเตน สจฺจวชฺเชน, วฑฺเฒยฺยํ พุทฺธสาสเน.

ธมฺมํ เม วนฺทมาเนน (มานาย), ยํ ปุญฺญํ ปสุตํ อิธ,

สพฺเพปิ อนฺตรายา เม, มาเหสุง ตสฺส เตชสา.

(กราบหมอบลง)

กาเยน วาจาย ว เจตสา วา,

ธมฺเม กุกมฺมํ ปกตํ มยา ยํ,

ธมฺโม ปฏิคฺคณฺหตุ อจฺจยนฺตํ,

กาลนฺตเร สํวริตุงว ธมฺเม.

 

๑.๕ สงฺฆานุสฺสติ

 

(หนฺท มยํ สงฺฆานุสฺสตินยํ กโรม เส)

สุปฏิปนฺโน ภควโต สาวกสงฺโฆ,

อุชุปฏิปนฺโน ภควโต สาวกสงฺโฆ,

ญายปฏิปนฺโน ภควโต สาวกสงฺโฆ,

สามีจิปฏิปนฺโน ภควโต สาวกสงฺโฆ,

ยทิทํ จตฺตาริ ปุริสยุคานิ อฏฺฐปุริสปุคฺคลา,

เอส ภควโต สาวกสงฺโฆ,

อาหุเนยฺโย ปาหุเนยฺโย,

ทกฺขิเณยฺโย อญฺชลิกรณีโย,

อนุตฺตรํ ปุญฺญกฺเขตฺตํ โลกสฺสาติ.

 

๑.๖ สงฺฆาภิคีติ

 

(หนฺท มยํ สงฺฆาภิคีตึ กโรม เส)

สทฺธมฺมโช สุปฏิปตฺติคุณาทิยุตฺโต,

โยฏฺฐพฺพิโธ อริยปุคฺคลสงฺฆเสฏฺโฐ,

สีลาทิธมฺมปวราสยกายจิตฺโต,

วนฺทามหํ ตมริยาน คณํ สุสทฺธํ.

สงฺโฆ โย สพฺพปาณีนํ, สรณํ เขมมุตฺตมํ,

ตติยานุสฺสติฏฺฐานํ, วนฺทามิ ตํ สิเรนหํ,

สงฺฆสฺสาหสฺมิ ทาโส (ทาสี) ว, สงฺโฆ เม สามิกิสฺสโร,

สงฺโฆ ทุกฺขสฺส ฆาตา จ, วิธาตา จ หิตสฺส เม.

สงฺฆสฺสาหํ นิยฺยาเทมิ, สรีรญฺชีวิตญฺจิทํ,

วนฺทนฺโตหํ (ตีหํ) จริสฺสามิ, สงฺฆสฺโสปฏิปนฺนตํ.

นตฺถิ เม สรณํ อญฺญํ, สงฺโฆ เม สรณํ วรํ,

เอเตน สจฺจวชฺเชน, วฑฺเฒยฺยํ พุทฺธสาสเน.

สงฺฆํ เม วนฺทมาเนน (มานาย), ยํ ปุญฺญํ ปสุตํ อิธ,

สพฺเพปิ อนฺตรายา เม, มาเหสุง ตสฺส เตชสา.

(กราบหมอบลง)

กาเยน วาจาย ว เจตสา วา,

สงฺเฆ กุกมฺมํ ปกตํ มยา ยํ,

สงฺโฆ ปฏิคฺคณฺหตุ อจฺจยนฺตํ,

กาลนฺตเร สํวริตุงว สงฺเฆ.

อรหํ สมฺมาสมฺพุทฺโธ ภควา,

พุทธํ ภควนฺตํ อภิวาเทมิ.

(กราบ)

สฺวากฺขาโต ภควตา ธมฺโม,

ธมฺมํ นมสฺสามิ.

(กราบ)

สุปฏิปนฺโน ภควโต สาวกสงฺโฆ,

สงฺฆํ นมามิ.

(กราบ)

หมายเหตุ : ในวงเล็บสำหรับอุบาสิกาสวด

 

. อุทฺทิสฺสนาธิฏฺฐานคาถา – คำกรวดน้ำตอนเย็น

 

(หนฺท มยํ อุทฺทิสฺสนาธิฏฺฐานคาถาโย ภณาม เส)

อิมินา ปุญฺญกมฺเมน, อุปชฺฌายา คุณุตฺตรา,

อาจริยูปการา จ, มาตา ปิตา จ ญาตกา.

สุริโย จนฺทิมา ราชา, คุณวนฺตา นราปิ จ,

พฺรหฺมมารา จ อินฺทา จ, โลกปาลา จ เทวตา.

ยโม มิตฺตา มนุสฺสา จ, มชฺฌตฺตา เวริกาปิ จ,

สพฺเพ สตฺตา สุขี โหนฺตุ, ปุญฺญานิ ปกตานิ เม,

สุขํ จ ติวิธํ เทนฺตุ, ขิปฺปํ ปาเปถ โว มตํ.

อิมินา ปุญฺญกมฺเมน, อิมินา อุทฺทิสฺเสน จ,

ขิปฺปาหํ สุลเภ เจว, ตณฺหุปาทานเฉทนํ.

เย สนฺตาเน หินา ธมฺมา, ยาว นิพฺพานโต มมํ,

นสฺสนฺตุ สพฺพทา เยว, ยตฺถ ชาโต ภเว ภเว.

อุชุจิตฺตํ สติปญฺญา, สลฺเลโข วิริยมฺหินา,

มารา ลภนฺตุ โนกาสํ, กาตุญฺจ วิริเยสุ เม.

พุทฺธาทิปวโร นาโถ, ธมฺโม นาโถ วรุตฺตโม,

นาโถ ปจฺเจกพุทฺโธ จ, สงฺโฆ นาโถตฺตโร มมํ.

เตโสตฺตมานุภาเวน, มาโรกาสํ ลภนฺตุ มา,

ทสปุญฺญานุภาเวน, มาโรกาสํ ลภนฺตุ มา.

 

. จตุราปฺปมญฺญาโอภาสนปาฐ

 

(หนฺท มยํ จตุราปฺปมญฺญาโอภาสนํ กโรม เส.)

เมตฺตาสหคเตน เจตสา เอกํ ทิสํ ผริตฺวา วิหรติ,

ตถา ทุติยํ ตถา ตติยํ ตถา จตุตฺถํ,

อิติ อุทฺธมโธ ติริยํ สพฺพธิ สพฺพตฺตตาย,

สพฺพวนฺตํ โลกํ เมตฺตาสหคเตน เจตสา,

วิปุเลน มหคฺคเตน อปฺปมาเณน อเวเรน อพฺยาปชฺเฌน ผริตฺวา วิหรติ.

กรุณาสหคเตน เจตสา เอกํ ทิสํ ผริตฺวา วิหรติ,

ตถา ทุติยํ ตถา ตติยํ ตถา จตุตฺถํ,

อิติ อุทฺธมโน ติริยํ สพฺพธิ สพฺพตฺตตาย,

สพฺพวนฺตํ โลกํ กรุณาสหคเตน เจตสา,

วิปุเลน มหคฺคเตน อปฺปมาเณน อเวเรน อพฺยาปชฺเฌน ผริตฺวา วิหรติ.

มุทิตาสหคเตน เจตสา เอกํ ทิสํ ผริตฺวา วิหรติ,

ตถา ทุติยํ ตถา ตติยํ ตถา จตุตฺถํ,

อิติ อุทฺธมโธ ติริยํ สพฺพธิ สพฺพตฺตตาย,

สพฺพวนฺตํ โลกํ มุทิตาสหคเตน เจตสา,

วิปุเลน มหคฺคเตน อปฺปมาเณน อเวเรน อพฺยาปชฺเฌน ผริตฺวา วิหรติ.

อุเปกฺขาสหคเตน เจตสา เอกํ ทิสํ ผริตฺวา วิหรติ,

ตถา ทุติยํ ตถา ตติยํ ตถา จตุตฺถํ,

อิติ อุทฺธมโธ ติริยํ สพฺพธิ สพฺพตฺตตาย,

สพฺพวนฺตํ โลกํ อุเปกฺขาสหคเตน เจตสา,

วิปุเลน มหคฺคเตน อปฺปมาเณน อเวเรน อพฺยาปชฺเฌน ผริตฺวา วิหรติ.

 

๔. พฺรหฺมวิหารผรณ - บทแผ่เมตตา

 

(หนฺท มยํ พฺรหฺมวิหารผรณํ กโรม เส.)

อหํ สุขิโต โหมิ, นิทฺทุกฺโข โหมิ, อเวโร โหมิ, อพฺยาปชฺโช โหมิ, อนีโฆ โหมิ,

สุขี อตฺตานํ ปริหรามิ.

สพฺเพ สตฺตา สุขิตา โหนฺตุ, สพฺเพ สตฺตา อเวรา โหนฺตุ, สพฺเพ สตฺตา อพฺยาปชฺชา โหนฺตุ,

สพฺเพ สตฺตา อนีฆา โหนฺตุ, สพฺเพ สตฺตา สุขี อตฺตานํ ปริหรนฺตุ.

สพฺเพ สตฺตา สพฺพทุกฺขา ปมุจฺจนฺตุ,

สพฺเพ สตฺตา มา ลทฺธสมฺปตฺติโต วิคจฺฉนฺตุ.

สพฺเพ สตฺตา กมฺมสฺสกา, กมฺมทายาทา, กมฺมโยนี, กมฺมพนฺธู, กมฺมปฏิสรณา,

ยํ กมฺมํ กริสฺสนฺติ, กลฺยาณํ วา ปาปกํ วา, ตฺสฺส ทายาทา ภวิสฺสนฺติ.

จบทำวัตรเย็น

 

ทำวัตรเย็น (Abhayagiri Buddhist Monastery)