1. Introduction

 

2. Devatā-sannipātapāṭha

 

 

Namo tassa bhagavato arahato sammāsambuddhassa.

 

Samantā cakkavāḷesu, atrāgacchantu devatā,

saddammaṃ munirājassa, sunantu saggamokkhadaṃ.

 

 

Dammassavanakālo ayambhatantā,

Dammassavanakālo ayambhatantā,

Dammassavanakālo ayambhatantā.

 

Namo tassa bhagavato arahato sammāsambuddhassa,

Namo tassa bhagavato arahato sammāsambuddhassa,

Namo tassa bhagavato arahato sammāsambuddhassa.

 

Yesantā santacittā tisaraṇasaraṇā,

ettha lokantare vā bhummābhummā ca,

devā guṇa-gaṇa-gahaṇa byāvatā sabbakālaṃ,

ete āyantu devā varakana-kamaye merurāje vasanto,

santo santo sahetuṃ munivarayacanaṃ sotumaggaṃ samaggā.

 

Sabbesu cakkavāḷesu, yakkhā devā ca brahmano,

yaṃ amhehi kataṃ puññaṃ, sabbasampattisādhakaṃ.

 

Sabbe taṃ anumoditvā, samaggā sāsane ratā,

pamādarahitā hontu, ārakkhāsu visesato.

 

Sāsanassa ca lokassa, vuḍḍhi bhavatu sabbadā,

sāsanampi ca lokañca, devā rakkhantu sabbadā.

 

Saddhiṃ hontu sukhī sabbe, parivārehi attano,

anīghā sumanā hontu, saha sabbehi ñātibhi.

 

Rājato vā corato vā, manussato vā amanussato vā,

aggito vā udakato vā. pisācato vā khānukato vā,

kaṇṭakato vā nakkhattato vā, janapadarogato vā asaddhammato vā,

asandiṭṭhito vā asappurisato vā,

Caṇḍa-hatthi-assa-miga-goṇa-kukkura-ahi-vicchika-manisappa-dīpi-,
accha-taraccha-sūkara-mahiṃsa-yakkha-rakkhasādīhi,

nānārogatovā nānābhyato vā,

nānāupaddavato vā ārakkhaṃ gaṇhantu.

 

3. Maṅgala-Sutta (Kh. Kh. 25/5)

 

Yaṃ maṅgalaṃ dvādasahi, cintayiṃsu sadevakā,

sotthānaṃ nādigacchanti, aṭṭhatiṃsañca maṅgalaṃ.

 

Desitaṃ devadevena, sabbapāpavināsanaṃ,

sabbalokahitatthāya, maṅgalaṃ taṃ bhaṇāma he!

 

Evamme sutaṃ: Ekaṃ samayaṃ bhagavā sāvatthiyaṃ viharati,
jetavane anāthapiṇḍikassa ārāme. Atha kho aññatarā devatā abhikkantāya

rattiyā abhikkantavaṇṇā kevalakappaṃ jetavanaṃ obhāsetvā,
yena bhagavā tenupasaṅkami, upasaṅkamitvā bhagavantaṃ abhivādetvā
ekamantaṃ aṭṭhāsi, ekamantaṃ ṭhitā kho sā devatā bhagavantaṃ gāthāya ajjhabhāsi.

 

Bahū devā manussā ca, maṅgalāni acintayuṃ,
ākaṅkhamānā sotthānaṃ, brūhi maṅgalamuttamaṃ.

 

Asevanā ca bālānaṃ, paṇḍitānañca sevanā,
pūjā ca pūjanīyānaṃ, etammaṅgalamuttamaṃ.
 

Paṭirūpadesavāso ca, pubbe ca katapuññatā,
attasammāpaṇidhi ca, etammaṅgalamuttamaṃ.
 

Bāhusaccañca sippañca, vinayo ca susikkhito,
subhāsitā ca yā vācā, etammaṅgalamuttamaṃ.
 

Mātāpitu-upaṭṭhānaṃ, puttadārassa saṅgaho,
anākulā ca kammantā, etammaṅgalamuttamaṃ.
 

Dānañca dhammacariyā, ca ñātakānañca saṅgaho,
anavajjāni kammāni, etammaṅgalamuttamaṃ.
 

Āratī viratī pāpā, majjapānā ca saññamo,
appamādo ca dhammesu, etammaṅgalamuttamaṃ.
 

Gāravo ca nivāto ca, santuṭṭhī ca kataññutā,
kālena dhammassavanaṃ, etammaṅgalamuttamaṃ.
 

Khantī ca sovacassatā, samaṇānañca dassanaṃ,
kālena dhammasākacchā, etammaṅgalamuttamaṃ.
 

Tapo ca brahmacariyañca, ariyasaccānadassanaṃ,
nibbānasacchikiriyā ca, etammaṅgalamuttamaṃ.
 

Phuṭṭhassa lokadhammehi, cittaṃ yassa na kampati,
asokaṃ virajaṃ khemaṃ, etammaṅgalamuttamaṃ.
 

Etādisāni katvāna, sabbatthamaparājitā,
sabbattha sotthiṃ gacchanti, tantesaṃ maṅgalamuttamanti.

 

Maṅgalasuttaṃ niṭṭhitaṃ.

 

 

4. Ratanaparitta (Kh-N. Kh. 25/7)

 

Panidhānato paṭṭhāya,

tathāgatassa dasa pāramiyo,

dasa upapāramiyo,

dasa paramatthapāramiyoti,

samattiṃsā pāramiyo.

 

Pañca mahāpariccāge,

lokatthacariyaṃ,

ñātatthacariyaṃ,

buddhatthacariyanti,

tisso cariyāyo.

 

Pacchimabhave gabbhavokkantiṃ,

jātiṃ abhinikkhamanaṃ,

padhānacariyaṃ bodhipallaṅke māravijjayaṃ,

sabbaññutañāṇappaṭivedhaṃ,

dhammacakkappavattanaṃ,

nava lokuttaradhamme ti.

 

Sabbepime buddhaguṇe āvajjetvā,

vesāliyā tīsu pākārantaresu,

tiyāmarattiṃ parittaṃ karonto,

āyasmā ānandatthero viya,

kāruññacittaṃ upaṭṭhapetvā.

 

Koṭisatasahassesu, cakkavaṇesu devatā,

yassānaṃpaṭigaṇhanti, yañca vesāliyampure.

 

Rogāmanussadubbhikkha-, sambhūtantividhambhayaṃ,

khippamantaradhāpesi, parittaṃ taṃ bhaṇāma he!

 

Yānīdha bhūtāni samāgatāni,
bhummāni vā yāni vā antalikkhe,
sabbeva bhūtā sumanā bhavantu,
atthopi sakkacca suṇantu bhāsitaṃ.
 

Tassmā hi bhūtā nissāmetha sabbe,
mettaṃ karotha mānusiyā pajāya,
divā ca ratto ca haranti ye baliṃ,
tasmā hi ne rakkhatha appamattā.
 

Yaṃ kiñci vittaṃ vā huraṃ vā,
saggesu vā yaṃ ratanaṃ paṇītaṃ,
na no samaṃ atthi tathāgatena,
idampi buddhe ratanaṃ paṇītaṃ,
etena saccena suvatthi hotu.
 

Khayaṃ virāgaṃ amataṃ paṇītaṃ,
yadajjhagā sakyamunī samāhito,
na tena dhammene samatthi kiñci,
idampi dhamme ratanaṃ paṇītaṃ,
etena saccena suvatthi hotu.
 

Yambuddhaseṭṭho parivaṇṇayī suciṃ,
samādhimānantarikaññamāhu,
samādhinā tena samo na vijjati,
idampi dhamme ratanaṃ panītaṃ,
etena saccena suvatthi hotu.
 

Ye puggalā aṭṭhasataṃ pasatthā,
cattāri etāni yugāni honti,
te dakkhiṇeyyā sugatassa sāvakā,
etesu dinnāni mahapphalāni,
idampi saṅghe ratanaṃ paṇītaṃ,
etena saccena suvatthi hotu.
 

Ye suppayuttā manasā daṇhena,
nikkāmino gotamasāsanamhi,
te pattipattā amataṃ vigayha,
laddhā mudhā nibbutiṃ bhuñjamānā,
idampi saṅghe ratanaṃ paṇītaṃ,
etena saccena suvatthi hotu.
 

Yathindakhīlo paṭaviṃ sito siyā,
catubhi vātehi asampakampiyo,
tathūpamaṃ sappurisaṃ vadāmi,
yo ariyasaccāni avecca passati,
idampi saṅghe ratanaṃ paṇītaṃ,
etena saccena suvatthi hotu.
 

Ye ariyasaccāni vibhāvayanti,
gambhīrapaññena sudesitāni,
kiñcāpi te honti bhusaṃ pamattā,
na te bhavaṃ aṭṭhamaṃ ādiyanti,
idampi saṅghe ratanaṃ paṇītaṃ,
etena saccena suvatthi hotu.
 

Sahāvassa dassanasampadāya,
tayassu dhammā jahitā bhavati,

sakkāyadiṭṭhi vicikicchitañca,
sīlabbataṃ vāpi yadatthi kiñci,
catūhapāyehi ca vippamutto,
cha cābhiṭhānāni abhabbo kātuṃ,
idampi saṅghe ratanaṃ paṇītaṃ,
etena saccena suvatthi hotu.
 

Kiñcāpi so kammaṃ karoti pāpakaṃ,
kāyena vācāyuda cetasā vā,
abhabbo so tassa paticchadāya,
abhabbatā diṭṭhapadassa vuttā,
idampi saṅghe ratanaṃ paṇītaṃ,
etena saccena suvatthi hotu.
 

Vanappagumbe yahtā phussitagge,
gimhānamāse paṭhamasmiṃ gimhe,
tathūpamaṃ dhammavaraṃ adesayi,
nibbānagāmiṃ paramaṃ hitāya,
itampi buddhe ratanaṃ paniītaṃ,
etena saccena suvatthi hotu.
 

Varo varaññū varado varāharo,
anuttaro dhammavaraṃ adesayi,
idampi buddhe ratanaṃ paṇītaṃ,
etena saccena suvatthi hotu.
 

Khīṇaṃ purāṇaṃ navaṃ natthi sambhavaṃ,
virattacittāyatike bhavasmiṃ,
te khīṇabījā aviruḷhichandā,
nibbanti dhīrā yathāyampadīpo,
idampi saṅghe ratanaṃ paṇītaṃ,
etena saccena suvatthi hotu.
 

Yānīdha bhūtāni samāgatāni,
bhummāni vā yāni va antalikkhe,
tathāgataṃ devamanussapūjitaṃ,
buddhaṃ namassāma suvatthi hotu.
 

Yānīdha bhūtāni samāgatāni,
bhummāni vā yāni va antalikkhe,
tathāgataṃ devamanussapūjitaṃ,
dhammaṃ namassāma suvatthi hotu.
 

Yānīdha bhūtāni samāgatāni,
bhummāni vā yāni va antalikkhe,
tathāgataṃ devamanussapūjitaṃ,
saṅghaṃ namassāma suvatthi hotu.

 

Ratanasuttaṃ niṭṭhitaṃ.

 

 

5. Karaṇīyamettaparitta (Kh-N. Kh. 25/10)

 

Yassānubhāvato yakkhā, neva dassenti bhiṃsanaṃ,

yamhi cevānuyuñjanto, rattindivamatandito.

 

Sukhaṃ supati sutto ca, pāpaṃ kiñci na passati,

evamādiguṇūpetaṃ, parittaṃ taṃ bhaṇāma he!

 

Karaṇīyamatthakusalena,
yantaṃ santaṃ padaṃ abhisamecca,
sakko ujū ca suhujū ca,
suvaco cassa mudu anatimānī.
 

Santussako ca subharo ca,
appakicco ca sallahukavutti,
santindriyo ca nipako ca,
appagabbho kulesu ananugiddho.
 

Na ca khuddaṃ samācare kiñci,
yena viññū pare upavadeyyuṃ,
sukhino vā khemino hontu,
sabbe sattā bhavantu sukhitattā.
 

Yekeci pāṇabhūtatthi,
tasā vā thāvarā vā anavasesā,
dīghā vā ye mahantā vā,
majjhimā rassakā aṇukathūlā.
 

Diṭṭhā vā ye va adiṭṭhā,
ye va dūre vasanti avidūre,
bhūtā vā sambhavesī vā,
sabbe sattā bhavantu sukhitattā.
 

Na paro paraṃ nikubbetha,
nātimaññetha katthaci na kañci,
byārosanā paṭīghasaññā,
nāññamaññassa dukkhamiccheyya.
 

Mātā yathā niyaṃ putta-,
māyusā ekaputtamanurakkhe,
evampi sabbabhūtesu,
mānasambhāvaye aparimāṇaṃ.
 

Mettañca sabbalokasmiṃ,
mānasambhāvaye aparimāṇaṃ,
uddhaṃ adho ca tiriyañca,
asambādhaṃ averamāsapattaṃ.
 

Tiṭṭhañcaraṃ nisinno vā,
sayāno vā yāva tassa vigatamiddho,
etaṃ satiṃ adhiṭṭheyya,
brahmametaṃ vihāramidhamāhu.
 

Diṭṭhiñca anupagamma,
sīlavā dassanena sampanno,
kāmesu vineyya gedhaṃ,
na hi jātu gabbhaseyya punaretīti.

Mettasuttaṃ niṭṭhitaṃ.
 

 

6. Khandhaparitta (Kh-N. J. 27/255)

 

sabbāsīvisajātīnaṃ, dibbamantāgadaṃ viya,

yannāseti visaṃ ghoraṃ, sesañcāpi parissayaṃ.

 

āṇakkhettamhi sabbattha, sabbadā sabbapāṇnaṃ,

sabbasopi nivāreti, parittantambhaṇāma he!

 

Virūpakkhehi me mettaṃ, mettaṃ erāpathehi me,

chabyāputtehi me mettaṃ, mettaṃ kaṇhāgotamakehi ca.
 

apādakehi me mettaṃ, mettaṃ dipādakehi me,

catuppadehi me mettaṃ, mettaṃ bahuppadehi me.
 

mā maṃ apādako hiṃsi, mā maṃ hiṃsi dipādako,

mā maṃ catuppado hiṃsi, mā maṃ hiṃsi bahuppado.
 

sabbe sattā sabbe pāṇā, sabbe bhūtā ca kevalā,

sabbe bhadrāni passantu, mā kiñci pāpamāgamā.
 

Appamāṇo buddho appamāṇo dhammo appamāṇo saṅgho,

pamāṇavantāni siriṃsapāni ahi vicchikā satapadī, uṇṇānābhī sarabū mūsikā,

katā me rakkhā katā me parittā, paṭikkamantu bhūtāni, sohaṃ namo bhagavato,

namo sattannaṃ sammāsambuddhānanti.

 

 

7. Moraparitta (Kh-N. J. 27/167)

 

Pūrentambodhisambhāre, nibbattaṃ morayoniyaṃ,

yena saṃvihitārakkhaṃ, mahāsattaṃ vanecarā.
 

Cirassaṃ vāyamantāpi, neva sakkhiṃsu gaṇhituṃ,

brahmamantanti akkhātṃ, parittantambhaṇāma he!

 

Udetayañcakkhumā ekarājā,

harissavaṇṇo paṭhavippabhāso,

taṃ taṃ namassāmi harissavaṇṇaṃ paṭhavippabhāsaṃ,

tayajja guttā viharemu divasaṃ,

ye brāhmaṇā vedagu sabbadhamme,

te me namo te ca maṃ pālayantu,

namatthu buddhānaṃ namatthu bodhiyā,

namo vimuttānaṃ namo vimuttiyā,

imaṃ so parittaṃ katvā moro carati esanā.

 

Apetayañcakkhumā ekarājā,

harissavaṇṇo paṭhavippabhāso,

taṃ taṃ namassāmi harissavaṇṇaṃ paṭhavippabhāsaṃ,

tayajja guttā viharemu rattiṃ,

ye brāhmaṇā vedagu sabbadhamme,

te me namo te ca maṃ pālayantu,

namatthu buddhānaṃ namatthu bodhiyā,

namo vimuttānaṃ namo vimuttiyā,

imaṃ so parittaṃ katvā moro vāsamakappayīti.

 

 

8. Vattakaparitta (Kh-N. C. 33/29)

 

Pūrentampodhisambhāre, nibbattaṃ vaṭṭajātiyaṃ,

yassa tejena dāvaggi, mahāsattaṃ vivajjayi.

 

Therassa sārīputtassa, lokanāthena bhāsitaṃ,

kappaṭṭhāyi mahātejaṃ, parittantambhaṇāma he!

 

Atthi loke sīlaguṇo, saccaṃ soceyyanuddayā,

tena saccena kāhāmi, saccakiriyamuttamaṃ.

 

Āvajjitvā dhammabalaṃ, saritvā pubbake jine,

saccabalamavassāya, saccakiriyamakāsahaṃ.

 

santi pakkhā apatanā, santi pādā avañcanā,

mātā pitā ca nikkhantā, jātaveda paṭikkama.

 

Saha sacce kate mayhaṃ, mahāpajjalito sikhī

vajjesi soḷasa karīsāni, udakaṃ patvā yathā sikhī

saccena me samo natthi, esā me saccapāramīti.

 

 

9. Dhajaggaparitta (S-N. 15/863)

 

Yassānussaraṇenāpi, antalikkhepi pāṇno,

patiṭṭhamadhigacchanti, bhūmiyaṃ viya sabbadā.

 

Sabbūpaddavajālamhā, yakkhacorādisambhavā,

gaṇanā na ca muttānaṃ, parittantambhaṇāma he!

 

Evaṃ me sutaṃ, Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme.

Tatra kho bhagavā bhikkhū āmantesi bhikkhavoti. Bhadanteti te bhikkhū bhagavato paccassosuṃ.

Bhagavā etadavoca: bhūtapubbaṃ bhikkhave devāsurasaṅgāmo samupabyūḷho ahosi.

Atha kho bhikkhave sakko devānamindo deve tāvatiṃse āmantesi sace mārisā devānaṃ

saṅgāmagatānaṃ uppajjeyya bhayaṃ vā chambhitattaṃ vā lomahaṃso vā mameva tasmiṃ samaye dhajaggaṃ ullokeyyātha.

 

Mamañhi vo dhajaggaṃ ullokayataṃ yambhavissati bhayaṃ vā chambhitattaṃ vā lomahaṃso vā so pahīyissati.

No ce me dhajaggaṃ ullokeyyātha, atha pajāpatissa devarājassa dhajaggaṃ ullokeyyātha. Pajāpatissa hi vo devarājassa dhajaggaṃ ullokayataṃ yambhavissati bhayaṃ vā chambhitattaṃ vā lomahaṃso vā so pahīyissati.

 

No ce pajāpatissa devarājassa dhajaggaṃ ullokeyyātha, atha varuṇassa devarājassa dhajaggaṃ ullokeyyātha.

Varuṇassa hi vo devarājassa dhajaggaṃ ullokayataṃ yambhavissati bhayaṃ vā chambhitattaṃ vā lomahaṃso vāso pahīyissati.

 

No ce varuṇassa devarājassa dhajaggaṃ ullokeyyātha, atha īsānassa devarājassa dhajaggaṃ ullokeyyātha.

Īsānassa hi vo devarājassa dhajaggaṃ ullokayataṃ yambhavissati bhayaṃ vā chambhitattaṃ vā lomahaṃso vā so pahīyissatīti.

 

Taṃ kho pana bhikkhave sakkassa vā devānamindassa dhajaggaṃ ullokayataṃ, pajāpatissa vā devarājassa dhajaggaṃ ullokayataṃ, varuṇassa vā devarājassa dhajaggaṃ ullokayataṃ, īsānassa vā devarājassa dhajaggaṃ ullokayataṃ, yambhavissati bhayaṃ vā chambhitattaṃ vā lomahaṃso vā so pahīyethāpi nopi pahīyetha, taṃ kissa hetu? sakko hi bhikkhave devānamindo avītarāgo avītadoso avītamoho bhīru chambhī utrāsī palāyīti.


Ahañca kho bhikkhave evaṃ vadāmi, sace tumhākaṃ bhikkhave araññagatānaṃ vā

rukkham่lagatānaṃ vā suññāgāragatānaṃ vā uppajjeyya bhayaṃ vā chambhitattaṃ vā

lomahaṃso vā mameva tasmiṃ samaye anussareyyātha:

itipi so bhagavā arahaṃ sammāsambuddho vijjācaraṇasampanno sugato lokavidū

anuttaro purisadammasārathi satthā devamanussānaṃ buddho bhagavāti.

Mamaṃ hi vo bhikkhave anussarataṃ, yambhavissati bhayaṃ vā chambhitattaṃ vā lomahaṃso vā so pahīyissati.


No ce maṃ anussareyyātha, atha dhammaṃ anussareyyātha:

svākkhāto bhagavatā dhammo sandiṭṭhiko akāliko ehipassiko opanayiko paccattaṃ veditabbo viññūhīti.

Dhammaṃ hi vo bhikkhave anussarataṃ yambhavissati bhayaṃ vā chambhitattaṃ vā lomahaṃso vā so pahīyissati.


No ce dhammaṃ anussareyyātha, atha saṅghaṃ anussareyyātha:

supaṭipanno bhagavato sāvakasaṅgho, ujupaṭipanno bhagavato sāvakasaṅgho,

ñāyapaṭipanno bhagavato sāvakasaṅgho, sāmīcipaṭipanno bhagavato sāvakasaṅgho,

yadidaṃ cattāri purisayugāni aṭṭha purisapuggalā, esa bhagavato sāvakasaṅgho,

āhuneyyo pāhuneyyo, dakkhiṇeyyo añjalikaraṇīyo, anuttaraṃ puññakkhettaṃ lokassāti.


Saṅghaṃ hi vo bhikkhave anussarataṃ, yambhavissati bhayaṃ vā chambhitattaṃ vā

lomahaṃso vā so pahīyissati; taṃ kissa hetu? tathāgato hi bhikkhave arahaṃ sammāsambuddho vītarāgo vītadoso vītamoho abhīru acchambhī anuttarāsī apalāyīti.

 

Idamavoca bhagavā idaṃ vatvāna sugato athāparaṃ etadavoca satthā:

 

araññe rukkhamῡle vā, suññāgāreva bhikkhavo,

anussaretha sambuddhaṃ, bhayaṃ tumhāka no siyā.

 

no ce buddhaṃ sareyyātha, lokajeṭṭhaṃ narāsabhaṃ,

atha dhammaṃ sareyyātha, niyyānikaṃ sudesitaṃ.

 

no ce dhammaṃ sareyyātha, niyyānikaṃ sudesitaṃ,

atha saṅghaṃ sareyyātha, puññakkhettaṃ anuttaraṃ.

 

evaṃ buddhaṃ sarantānaṃ, dhammaṃ saṅghañca bhikkhavo,

bhayaṃ vā chambhitattaṃ vā, lomahaṃso na hessatīti.

 

 

10. Āṭānāṭiyaparitta (D-N. 11/207)

 

Appasannehi nāthassa, sāsane sādhusammate,

amanussepi caṇḍehi, sadā kibbisakāribhi,

 

parisānañcatassanna-, mahiṃsāya ca guttiyā,

yandesesi mahāvīro, parittantambhaṇāma he!

 

Vipassissa namatthu, cakkhumantassa sirīmato,

sikhissapi namatthu, sabbabhūtānukampino.

 

Vessabhussa namatthu, nhātakassa tapassino,

namatthu kakusandhassa, mārasenappamaddino.

 

Konāgamanassa namatthu, brāhmaṇassa vusīmato,

kassapassa ca namatthu, vippamuttassa sabbadhi.

 

Aṅgīrasassa namatthu, sakyaputtassa sirīmato,

yo imaṃ dhammamadesesi, sabbadukkhā pan่danaṃ.

 

Ye cāpi nibbutā loke, yathābhūtaṃ vipassisuṃ,

te janā apisuṇātha, mahantā vītasāradā.

 

Hitaṃ devamanussānaṃ, yaṃ namassanti gotamaṃ,

vijjācaraṇasampannaṃ, mahantaṃ vītasāradaṃ.

 

Ete caññe ca sambuddhā, anekadatakoṭayo,

sabbe buddhā asamasamā, sabbe buddhā mahiddhikā.

 

Sabbe dasabalūpetā, vesārajjehupāgatā,

sabbe te paṭijānanti, āsabhaṇṭānamuttamaṃ.

 

Sīhanādaṃ nadante te, parisāsu visāradā,

brahmacakkaṃ pavattenti, loke appaṭivattiyaṃ.

 

Upetā buddhadhammehi, aṭṭhārasahi nāyakā,

dvattiṃsalakkhaṇūpetā-, sityānubyañjanādharā.

 

Byāmappabhāya suppabhā, sabbe te munikuñjarā,

buddhā sabbaññuno ete, sabbe khīṇāsavā jinā.

 

Mahappabhā mahātejā, mahāpaññā mahabbalā,

mahākāruṇikā dhīrā, sabbesānaṃ sukhāvahā.

 

Dīpā nāthā paṭṭhā ca, tāṇā leṇā ca paṇinaṃ,

gatī bandhū mahassāsā, saraṇā ca hitesino.

 

Sadevakassa lokassa, sabbe ete parāyanā,

tesāhaṃ sirasā pāde, vandāmi purisuttame.

 

Vacasā manasā ceva, vandāmete tathāgate,

sayane āsane ṭāne, gamane cāpi sabbadā.

 

Sadā sukhene rakkhantu, buddhā santikarā tuvaṃ,

tehi tvaṃ rakkhito santo, mutto sabbabhayena ca.

 

sabbarogavinimutto, sabbasantāpavajjito,

sabbaveramatikkanto, nibbuto ca tuvaṃ bhava.

 

Tesaṃ saccena sīlena, khantimettābalena ca,

tepi amhenurakkhantu, arogena sukhena ca.

 

Puratthimasmiṃ disābhāge, santi bhuutā mahiddhikā,

tepi amhenurakkhantu, arogena sukhena ca.

 

Dakkhiṇasmiṃ disābhāge, santi devā mahiddhikā,

tepi amhenurakkhantu, arogena sukhena ca.

 

pacchimasmiṃ disābhāge, santi nāgā mahiddhikā,

tepi amhenurakkhantu, arogena sukhena ca.

 

Uttarasmiṃ disābhāge, santi yakkhā mahiddhikā,

tepi amhenurakkhantu, arogena sukhena ca.

 

Puratthimena dhataraṭṭho, dakkhiṇene viruḷhako,

pacchimena viruupakkho, kuvero uttaraṃ disaṃ.

 

cattāro te mahārājā, lokapālā yasassino,

tepi amhenurakkhantu, arogena sukhena ca.

 

ākāsaṭṭhā ca bhummaṭṭhā, devā nāgā mahiddhikā,

tepi amhenurakkhantu, arogena sukhena ca.

 

iddhimanto ca ye devā,  vasantā idha sāsane,

tepi amhenurakkhantu,  arogena sukhene ca.

 

sabbītiyo vivajjantu, soko rogo vinassatu,

mā te bhavatvantarāyā, sukhī dīghāyuko bhava.

 

Abhivādanasīlissa, niccaṃ vuḍḍhāpacāyino,

cattāro dhammā vaḍḍhanti, āyu vaṇṇo sukhaṃ balaṃ.

 

 

11. Aṅgulimālaparitta (M. 13/521)

 

parittaṃ yambhaṇantassa, nisinnaṭṭhānadhovanaṃ,

udakampi vināseti, sabbameva parissayaṃ.

 

sotthinā gabbhavuṭṭhānaṃ, yañca sādheti taṅkhaṇe,

therassaṅgulimālassa, lokanāthena bhāsitaṃ,

kappaṭṭhāyi mahātejaṃ, parittantambhaṇāma he!

 

yatohaṃ bhagini ariyāya jātiyā jāto nābhijānāmi sañcicca pāṇaṃ jīvitā

voropetā, tena saccena sotthi te hotu sotthi gabbhassāti.

 

 

12. Bojjhaṅgaparitta

 

Saṃsāre saṃsarantānaṃ, sabbadukkhavināsane,

satta dhamme ca bojjhaṅge, mārasenappamaddino.

 

Bujjhitvā yepime sattā, tibhavāmuttakuttamā,

ajātiṃ ajarābyādhiṃ, amataṃ nibbhayaṃ gatā.

 

evamādiguṇuupetaṃ, anekaguṇasaṃgahaṃ,

osathañca imaṃ mantaṃ, bojjhaṅgantambaṇāma he!

 

 

Bojjhaṅgo satisaṅkhāto, dhammānaṃ vicayo tathā,

viriyampītipassaddhi-, bojjhaṅgā ca tathāpare,

samādhupekkhabojjhaṅgā, sattete sabbadassinā,

muninā sammadakkhātā, bhāvitā bahulīkatā,

saṃvattanti abhiññāya, nibbānāya ca bodhiyā,

etene saccavajjena, sotthi te hotu sabbadā.

 

Ekassmiṃ samaye nātho, moggllānañca kassapaṃ,

gilāne dukkhite disvā, bojjhaṅge satta desayi.

Te ca taṃ abhinanditvā, rogā mucciṃsu taṅkhaṇe,

etena saccavajjena, sotthi te hotu sabbadā.

 

Ekadā dhammarājāpi, gelaññenābhipīḷito,

cundattherena taññeva, bhaṇāpetvāna sādaraṃ,

sammoditvā ca ābādhā, tamhā vuṭṭhāsi ṭānaso,

etena saccavajjena, sotthi te hutu sabbadā.

 

Pahīnā te ca ābādhā, tiṇṇannampi mahesinaṃ,

maggāhatakilesā va, pattānupattidhammataṃ,

etena saccavajjena, sotthi te hotu sabbadā.

 

 

13. Pubbaṇhaparitta

 

Yandunnimittaṃ avamaṅgalañca,

yo camanāpo sakuṇassa saddho,

pāpaggaho dussupinaṃ akantaṃ,

buddhānubhāvena vināsamentu.

 

Yandunnimittaṃ avamaṅgalañca,

yo camanāpo sakuṇassa saddho,

pāpaggaho dussupinaṃ akantaṃ,

dhammānubhāvena vināsamentu.

 

Yandunnimittaṃ avamaṅgalañca,

yo camanāpo sakuṇassa saddho,

pāpaggaho dussupinaṃ akantaṃ,

saṅghānubhāvena vināsamentu.

 

Dukkhappattā ca niddukkhā, bhayappattā ca nibbhayā,

sokappattā ca nissokā, hontu sabbepi pāṇino.

 

Ettāvatā ca amhehi, sambhataṃ puññasampadaṃ,

sabbe devānumodantu, sabbasampatisiddhiyā.

 

dānaṃ dadantu saddhāya, sīlaṃ rakkhantu sabbadā,

bhāvanābhiratā hontu, gacchantu devatāgatā.

 

Sabbe buddhā balappattā, paccekānañca yaṃ palaṃ,

arahantānañca tejena, rakkhaṃ bandhāmi sabbaso.

 

Yaṃ kiñci vittaṃ vā huraṃ vā,
saggesu vā yaṃ ratanaṃ paṇītaṃ,
na no samaṃ atthi tathāgatena,
idampi buddhe ratanaṃ paṇītaṃ,
etena saccena suvatthi hotu.

 

Yaṃ kiñci vittaṃ vā huraṃ vā,
saggesu vā yaṃ ratanaṃ paṇītaṃ,
na no samaṃ atthi tathāgatena,
idampi dhamme ratanaṃ paṇītaṃ,
etena saccena suvatthi hotu.

 

Yaṃ kiñci vittaṃ vā huraṃ vā,
saggesu vā yaṃ ratanaṃ paṇītaṃ,
na no samaṃ atthi tathāgatena,
idampi saṅghe ratanaṃ paṇītaṃ,
etena saccena suvatthi hotu.

 

Bhavatu sabbamaṅgalaṃ, rakkhantu sabbadevatā,

sabbabuddhānubhāvena, sada sotthī bhavantu te.

 

Bhavatu sabbamaṅgalaṃ, rakkhantu sabbadevatā,

sabbadhammānubhāvena, sada sotthī bhavantu te.

 

Bhavatu sabbamaṅgalaṃ, rakkhantu sabbadevatā,

sabbasaṅghānubhāvena, sada sotthī bhavantu te.

 

Mahākāruṇiko nātho, hitāya sabbapāṇinaṃ,

pūretvā pāramī sabbā, patto sambodhimuttamaṃ,

etena saccavajjena, hotu te jayamaṅgalaṃ.

 

Jayanto bodhiyā mūle, sakyānaṃ nandivaḍḍhano,

evaṃ tavaṃ vijayo hohi, jayassu jayamaṅgale.

 

Aparājitapallaṅke, sīse puthvipukkhale,

abhiseke sabbabuddhānaṃ, aggappatto pamodati.

 

Sunakkhattaṃ sumaṅgalaṃ, supabhātaṃ suhuṭṭhitaṃ,

sukhaṇo sumuhutto ca, suyiṭṭhaṃ brahmacarisu.

 

Padakkhiṇaṃ kāyakammaṃ, vācākammaṃ padakkhiṇaṃ,

padakkhiṇaṃ manokammaṃ, paṇidhī te padakkhiṇā,

padakkhiṇāni katvāna, labhantatthe padakkhiṇe.

 

Te atthaladdhā sukhitā, viruḷhā buddhasāsane,

arogā sukhitā hotha, saha sabbehi ñātībhi.

 

Parittapāli niṭṭhitā.