Copyright 2017 - Custom text here

Pali Devotional Chanting

 

@ Buddhābhivādanā

 

Namo tassa bhagavato arahato sammāsambuddhassa.

Namo tassa bhagavato arahato sammāsambuddhassa.

Namo tassa bhagavato arahato sammāsambuddhassa.

 

@ Ti-saraṇa

 

Buddhaṃ saraṇaṃ gacchāmi.

Dhammaṃ saraṇaṃ gacchāmi.

Saṅghaṃ saraṇaṃ gacchāmi.

Dutiyampi Buddhaṃ saraṇaṃ gacchāmi.

Dutiyampi Dhammaṃ saraṇaṃ gacchāmi.

Dutiyampi Saṅghaṃ saraṇaṃ gacchāmi.

Tatiyampi Buddhaṃ saraṇaṃ gacchāmi.

Tatiyampi Dhammaṃ saraṇaṃ gacchāmi.

Tatiyampi Saṅghaṃ saraṇaṃ gacchāmi.

 

 

@ Pañca Sīla

 

1) Pāṇātipātā veramaṇī-sikkhāpadaṃ samādiyāmi.

2) Adinnādānā veramaṇī-sikkhāpadaṃ samādiyāmi.

3) Kāmesumicchācārā veramaṇī-sikkhāpadaṃ samādiyāmi.

4) Musāvādā veramaṇī-sikkhāpadaṃ samādiyāmi.

4) Surāmeraya-majjapamādaṭṭhānā veramaṇī-sikkhāpadaṃ samādiyāmi.

 

@ Buddha Vandanā

 

Itipi so arahaṃ sammāsambuddho,

vijjācaraṇasampanno sugato lokavidū,

anuttaro purisadammasārathi,

satthā devamanussānaṃ buddho bhagavāti.

 

Buddhaṃ jīvitaṃ,

yāva nibbānaṃ saraṇaṃ gacchāmi,

Ye ca buddā atītā ca,

ye ca buddhā anāgatā,

paccuppannā ca ye buddhā,

ahaṃ vandāmi sabbadā.

 

Natthi me saraṇaṃ aññaṃ,

buddho me saraṇaṃ varaṃ,

etena saccavajjena,

hotu me jayamaṅgalaṃ.

 

Uttamaṅgena vandehaṃ,

padapaṃsu-varuttamaṃ,

buddho yo khalito dosa,

buddho khamatu taṃ mamaṃ.

 

@ Dhamma Vandanā

 

Svākhāto bhagavatā dhammo,

sandiṭṭhiko akāliko,

ehipassiko opanayiko,

paccattaṃ veditabbo viññūhīti.

 

Dhammaṃ jīvitaṃ,

yāva nibbānaṃ saraṇaṃ gacchāmi.

Ye ca Dhammā atītā ca,

ye ca dhammā anāgatā,

Paccuppannā ca ye dhammā,

ahaṃ vandāmi sabbadā.

 

Natthi me saraṇaṃ aññaṃ,

dhammo me saraṇaṃ varaṃ,

etena saccavajjena,

hotu me jayamaṅgalaṃ.

 

Uttamaṅgena vandehaṃ,

dhammaṃ ca tividhaṃ varaṃ,

dhamme yo khalito doso,

dhammo khamatu taṃ mamaṃ.

 

@ Saṅgha Vandanā

 

Supaṭipanno bhagavato sāvakasaṅgho,

ujupaṭipanno bhagavato sāvakasaṅgho,

ñāyapaṭipanno bhagavato sāvakasaṅgho,

sāmīcipaṭipanno bhagavato sāvakasaṅgho,

yadidaṃ cattari purisayugāni aṭṭha purisapuggalā,

esa bhagavato sāvakasaṅgho,

āhuneyyo pāhuneyyo,

dakkhiṇeyyo añjalikaraṇīyo,

anuttaraṃ puññakkhettaṃ lokassāti.

 

Saṅghaṃ jīvitaṃ,

yāva nibbānaṃ saraṇaṃ gacchāmi.

Ye ca Saṅghā atītā ca,

ye ca saṅghā anāgatā,

Paccuppannā ca ye saṅghā,

ahaṃ vandāmi sabbadā.

 

Natthi me saraṇaṃ aññaṃ,

saṅgho me saraṇaṃ varaṃ,

etena saccavajjena,

hotu me jayamaṅgalaṃ.

 

Uttamaṅgena vandehaṃ,

saṅghaṃ ca tividhuttamaṃ,

saṅghe yo khalito doso,

saṅgho khamatu taṃ mamaṃ.

 

@ Cetiya Vandanā

 

Vandāmi cetiyaṃ sabbaṃ,

sabbaṭṭhānesu patiṭṭhitaṃ,

sārīrikadhātu mahā bodhiṃ,

buddharupaṃ sakalaṃ sadā.

 

@ Bodhi Vandanā

 

Yassa mūle nisinno va,

sabbāri vijayaṃ akā,

patto sabbaññutaṃ satthā,

vande taṃ dodhipādapaṃ.

 

Ime ete mahābodhi,

lokanāthena pūjitā,

ahaṃ pi to namassāmi,

bodhirājā namatthu te.

 

Paṭhamaṃ bodhipllaṅkaṃ,

dutiyañca animmisaṃ,

tatiyañcaṅkamanaṃ seṭṭhaṃ,

catutthaṃ ratanāgharaṃ,

pañcaṃ ajapālañca,

mucalindena chaṭhamaṃ,

sattamaṃ rājāyatanaṃ,

vande taṃ bodhipādapaṃ.

 

Inda-nīla-vaṇṇa-patta-seta-khanda-bhāsuraṃ,

satthu-netta-paṅkajābhi pūjitagga-satadaṃ,

agga-bodhi-nāma-vāma-deva-rukkhā-sannibhaṃ,

taṃ visāla-bodhi-pādapaṃ namāmi sabbadā.

 

@ Padīpa Pūjā

 

Ghanasārappadittena,

dipena tam-dhaṃdinā,

tilokadīpaṃ sambuddhaṃ,

pūjayāmi tamonudaṃ.

 

@ Sugandha Pūjā

 

Ghandha-sambhāra-yuttena,

dhūpenāhaṃ sugandhinā,

pūjaye pūjaneyyaṃ taṃ,

pūjābhajana-muttamaṃ.

 

@ Pubbha Pūjā

 

Vaṇṇa-gandha-guṇopetaṃ,

etaṃ kusumasantatiṃ,

pūjayāmi munindassa,

sirīpāda-saroruhe.

 

Pūjemi buddhaṃ kusumenanena,

puññenametena ca hotu mokkhaṃ,

pupphaṃ milāyāti yathā idaṃ me,

kāyo tathā yāti vināsa-bhavaṃ.

 

@ Anumodanā

 

ākāsaṭṭhā ca bhummaṭṭhā,

devā nāgā mahiddhikā,

puññaṃ taṃ anumoditvā,

ciraṃ rakkhantu lokasāsanaṃ.

 

ākāsaṭṭhā ca bhummaṭṭhā,

devā nāgā mahiddhikā,

puññaṃ taṃ anumoditvā,

ciraṃ rakkhantu desanaṃ.

 

ākāsaṭṭhā ca bhummaṭṭhā,

devā nāgā mahiddhikā,

puññaṃ taṃ anumoditvā,

ciraṃ rakkhantu maṃ paranti.

 

Ettāvatā ca amhehi,

sambhataṃ puññasampadam,

sabbe devā anumodantu,

sabbasampattisiddhiyā.

 

Ettāvatā ca amhehi,

sambhataṃ puññasampadam,

sabbe devā anumodantu,

sabbasampattisiddhiyā.

 

Ettāvatā ca amhehi,

sambhataṃ puññasampadam,

sabbe devā anumodantu,

sabbasampattisiddhiyā.

 

@ Patti Dāna

 

Idaṃ me ñātinaṃ hotu,

sukkhitā hontu ñātayo.

 

@ Patthanā

 

Iminā puññakammena,

mā me bālasamāgamo,

sataṃ samāgamo hotu,

yāva nibbānapattiyā.

 

@ Khamāyācanā

 

Kāyena vācā cittena,

pamādena mayā kataṃ,

accayaṃ khama me bhante,

bhūripañña tathāgata!

 

@ Maṅgala Sutta

 

Evamme sutaṃ: Ekaṃ samayaṃ bhagavā sāvatthiyaṃ viharati, jetavane anāthapiṇḍikassa ārāme.
Atha kho aññatarā devatā abhikkantāya rattiyā abhikkantavaṇṇā kevalakappaṃ jetavanaṃ obhāsetvā,
yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ aṭṭhāsi,
ekamantaṃ ṭhitā kho sā devatā bhagavantaṃ gāthāya ajjhabhāsi.

 

 

Bahū devā manussā ca, maṅgalāni acintayuṃ,
ākaṅkhamānā sotthānaṃ, brūhi maṅgalamuttamaṃ.

 

Asevanā ca bālānaṃ, paṇḍitānañca sevanā,
pūjā ca pūjanīyānaṃ, etammaṅgalamuttamaṃ.

 

Paṭirūpadesavāso ca, pubbe ca katapuññatā,
attasammāpaṇidhi ca, etammaṅgalamuttamaṃ.

 

Bāhusaccañca sippañca, vinayo ca susikkhito,
subhāsitā ca yā vācā, etammaṅgalamuttamaṃ.

 

Mātāpitūpaṭṭhānaṃ, puttadārassa saṅgaho,
anākulā ca kammantā, etammaṅgalamuttamaṃ.

 

Dānañca dhammacariyā ca, ñātakānañca saṅgaho,
anavajjāni kammāni, etammaṅgalamuttamaṃ.

 

Āratī viratī pāpā, majjapānā ca saññamo,
appamādo ca dhammesu, etammaṅgalamuttamaṃ.

 

Gāravo ca nivāto ca, santuṭṭhī ca kataññutā,
kālena dhammassavanaṃ, etammaṅgalamuttamaṃ.

 

Khantī ca sovacassatā, samaṇānañca dassanaṃ,
kālena dhammasākacchā, etammaṅgalamuttamaṃ.

 

Tapo ca brahmacariyañca, ariyasaccānadassanaṃ,
nibbānasacchikiriyā ca, etammaṅgalamuttamaṃ.

 

Phuṭṭhassa lokadhammehi, cittaṃ yassa na kampati,
asokaṃ virajaṃ khemaṃ, etammaṅgalamuttamaṃ.

 

Etādisāni katvāna, sabbatthamaparājitā,
sabbattha sotthiṃ gacchanti, tantesaṃ maṅgalamuttamanti.

 

@ Ratana Sutta

 

Yānīdha bhūtāni samāgatāni,
bhummāni vā yāni vā antalikkhe,
sabbeva bhūtā sumanā bhavatu,
atthopi sakkacca suṇantu bhāsitaṃ.

 

Tassmā hi bhūtā nissāmetha sabbe,
mettaṃ karotha mānusiyā pajāya,
divā ca ratto ca haranti ye baliṃ,
tasmā hi ne rakkhatha appamattā.

 

Yaṃ kiñci vittaṃ vā huraṃ vā,
saggesu vā yaṃ ratanaṃ paṇītaṃ,
na no samaṃ atthi tathāgatena,
idampi buddhe ratanaṃ paṇītaṃ,
etena saccena suvatthi hotu.

 

Khayaṃ virāgaṃ amataṃ paṇītaṃ,
yadajjhagā sakyamunī samāhito,
na tena dhammene samatthi kiñci,
idampi dhamme ratanaṃ paṇītaṃ,
etena saccena suvatthi hotu.

 

Yambuddhaseṭṭho parivaṇṇayī suciṃ,
samādhimānantarikaññamāhu,
samādhinā tena samo na vijjati,
idampi dhamme ratanaṃ panītaṃ,
etena saccena suvatthi hotu.

 

Ye puggalā aṭṭhasataṃ pasatthā,
cattāri etāni yugāni honti,
te dakkhiṇeyyā sugatassa sāvakā,
etesu dinnāni mahapphalāni,
idampi saṅghe ratanaṃ paṇītaṃ,
etena saccena suvatthi hotu.

 

Ye suppayuttā manasā daṇhena,
nikkāmino gotamasāsanamhi,
te pattipattā amataṃ vigayha,
laddhā mudhā nibbutiṃ bhuñjamānā,
idampi saṅghe ratanaṃ paṇītaṃ,
etena saccena suvatthi hotu.

 

Yathindakhīlo paṭaviṃ sito siyā,
catubhi vātehi asampakampiyo,
tathūpamaṃ sappurisaṃ vadāmi,
yo ariyasaccāni avecca passati,
idampi saṅghe ratanaṃ paṇītaṃ,
etena saccena suvatthi hotu.

 

Ye ariyasaccāni vibhāvayanti,
gambhīrapaññena sudesitāni,
kiñcāpi te honti bhusaṃ pamattā,
na te bhavaṃ aṭṭhamaṃ ādiyanti,
idampi saṅghe ratanaṃ paṇītaṃ,
etena saccena suvatthi hotu.

 

Sahāvassa dassanasampadāya,
tayassu dhammā jahitā bhavati,

sakkāyadiṭṭhi vicikicchitañca,
sīlabbataṃ vāpi yadatthi kiñci,
catūhapāyehi ca vippamutto,
cha cābhiṭhānāni abhabbo kātuṃ,
idampi saṅghe ratanaṃ paṇītaṃ,
etena saccena suvatthi hotu.

 

Kiñcāpi so kammaṃ karoti pāpakaṃ,
kāyena vācāyuda cetasā vā,
abhabbo so tassa paticchadāya,
abhabbatā diṭṭhapadassa vuttā,
idampi saṅghe ratanaṃ paṇītaṃ,
etena saccena suvatthi hotu.

 

Vanappagumbe yahtā phussitagge,
gimhānamāse paṭhamasmiṃ gimhe,
tathūpamaṃ dhammavaraṃ adesayi,
nibbānagāmiṃ paramaṃ hitāya,
itampi buddhe ratanaṃ paniītaṃ,
etena saccena suvatthi hotu.

 

Varo varaññū varado varāharo,
anuttaro dhammavaraṃ adesayi,
idampi buddhe ratanaṃ paṇītaṃ,
etena saccena suvatthi hotu.

 

Khīṇaṃ purāṇaṃ navaṃ natthi sambhavaṃ,
virattacittāyatike bhavasmiṃ,
te khīṇabījā aviruḷhichandā,
nibbanti dhīrā yathāyampadīpo,
idampi saṅghe ratanaṃ paṇītaṃ,
etena saccena suvatthi hotu.

 

Yānīdha bhūtāni samāgatāni,
bhummāni vā yāni va antalikkhe,
tathāgataṃ devamanussapūjitaṃ,
buddhaṃ namassāma suvatthi hotu.

 

Yānīdha bhūtāni samāgatāni,
bhummāni vā yāni va antalikkhe,
tathāgataṃ devamanussapūjitaṃ,
dhammaṃ namassāma suvatthi hotu.

 

Yānīdha bhūtāni samāgatāni,
bhummāni vā yāni va antalikkhe,
tathāgataṃ devamanussapūjitaṃ,
saṅghaṃ namassāma suvatthi hotu.

 

@ Mettā Sutta

Karaṇīyamatthakusalena,
yantaṃ santaṃ padaṃ abhisamecca,
sakko ujū ca suhujū ca,
suvaco cassa mudu anatimānī.

 

Santussako ca subharo ca,
appakicco ca sallahukavutti,
santindriyo ca nipako ca,
appagabbho kulesu ananugiddho.

 

Na ca khuddaṃ samācare kiñci,
yena viññū pare upavadeyyuṃ,
sukhino vā khemino hontu,
sabbe sattā bhavantu sukhitattā.

 

Yekeci pāṇabhūtatthi,
tasā vā thāvarā vā anavasesā,
dīghā vā ye mahantā vā,
majjhimā rassakā aṇukathūlā.

 

Diṭṭhā vā ye va adiṭṭhā,
ye va dūre vasanti avidūre,
bhūtā vā sambhavesī vā,
sabbe sattā bhavantu sukhitattā.

 

Na paro paraṃ nikubbetha,
nātimaññetha katthaci na kañci,
byārosanā paṭīghasaññā,
nāññamaññassa dukkhamiccheyya.

 

Mātā yathā niyaṃ putta-,
māyusā ekaputtamanurakkhe,
evampi sabbabhūtesu,
mānasambhāvaye aparimāṇaṃ.

 

Mettañca sabbalokasmiṃ,
mānasambhāvaye aparimāṇaṃ,
uddhaṃ adho ca tiriyañca,
asambādhaṃ averamāsapattaṃ.

 

Tiṭṭhañcaraṃ nisinno vā,
sayāno vā yāva tassa vigatamiddho,
etaṃ satiṃ adhiṭṭheyya,
brahmametaṃ vihāramidhamāhu.

 

Diṭṭhiñca anupagamma,
sīlavā dassanena sampanno,
kāmesu vineyya gedhaṃ,
na hi jātu gabbhaseyya punaretīti.

 

@ Mahā Jayamaṅgala Gāthā

 

Mahākāruṇiko nātho,

hitāya sabbapāṇinaṃ,

pūretvā pāramī sabbā,

patto sambodhimuttamaṃ,

etena saccavajjena,

hotu te jayamaṅgalaṃ.

 

Jayanto bodhiyā mūle,

sakyānaṃ nandivaḍḍhano,

evaṃ tavaṃ vijayo hohi,

jayassu jayamaṅgale.

 

Sakkatvā buddharatanaṃ,

osadhaṃ uttamaṃ varaṃ,

hitaṃ devamanussānaṃ,

buddhatejena sotthinā,

nassantupaddhavā sabbe,

dukkhā vūpasamentu me.

 

Sakkatvā dhammaratanaṃ,

osadhaṃ uttamaṃ varaṃ,

parilāhūpasamanaṃ,

dhammatejena sotthinā,

nassantupaddavā sabbe,

bhayā vūpasamentu me.

 

Sakkatvā saṅgharatanaṃ,

osathaṃ uttamaṃ varaṃ,

āhuneyyaṃ pāhuneyyaṃ,

saṅghatejena sotthinā,

nassantupaddavā sabbe,

rogā vūpasamentu me.

 

Yaṅkiñci ratanaṃ loke,

vijjati vividhā puthū,

ratanaṃ buddhasamaṃ natthi,

tassmā sotthi bhavantu me.

 

Yaṅkiñci ratanaṃ loke,

vijjati vividhā puthū,

ratanaṃ dhammasamaṃ natthi,

tassmā sotthi bhavantu me.

 

Yaṅkiñci ratanaṃ loke,

vijjati vividhā puthū,

ratanaṃ saṅghasamaṃ natthi,

tassmā sotthi bhavantu me.

 

Natthi me saraṇaṃ añnaṃ,

buddho me saraṇaṃ varaṃ,

etena saccavajjena,

hotu me jayamańgalaṃ.

 

Natthi me saraṇaṃ añnaṃ,

dhammo me saraṇaṃ varaṃ,

etena saccavajjena,

hotu me jayamańgalaṃ.

 

Natthi me saraṇaṃ añnaṃ,

saṅgho me saraṇaṃ varaṃ,

etena saccavajjena,

hotu me jayamańgalaṃ.
 

Bhavatu sabbamaṅgalaṃ,

rakkhantu sabbadevatā,

sabbabuddhānubhāvena,

sada sotthī bhavantu me.

 

Bhavatu sabbamaṅgalaṃ,

rakkhantu sabbadevatā,

sabbadhammānubhāvena,

sada sotthī bhavantu me.

 

Bhavatu sabbamaṅgalaṃ,

rakkhantu sabbadevatā,

sabbasaṅghānubhāvena,

sada sotthī bhavantu me.

 

Nakkhatta-yakkha-bhūtānaṃ,

pāpaggahā nivāranā,

parittassānubhāvena,

hantu mayhaṃ upaddave.

(repeat three times)

 

Devo vasatu kālena,

sassa-sampatti hotu ca,

phīto bhavatu loko ca,

rājā bhavatu dhammiko.

 

Sabbe buddhā balappattā,

paccekānañca yaṃ balaṃ,

arahantānañca tejena,

rakkhaṃ bandhāmi sabbaso.

(repeat three times)

 

* More Info : www.buddhanet.net

f t g m