Ratanattayapūjā

 

 

Arahaṃ sammā sambuddho bhagavā,

buddhaṃ bhagavantaṃ abhivādemi.

Svākkhāto bhagavatā dhammo,

dhammaṃ namassāmi.

Supaṭipanno bhagavato sāvakasaṅgho,

saṅghaṃ namāmi.

 

Pubbabhāganamakāra

(Handa mayaṃ buddhassa bhagavato pubbabhāganamakāraṃ karoma se.)

Namo tassa bhagavato arahato sammāsambuddhassa.

Namo tassa bhagavato arahato sammāsambuddhassa.

Namo tassa bhagavato arahato sammāsambuddhassa.

 

Buddhābhithuti

(Handa mayaṃ buddhābhithutiṃ karoma se.)

Yo so tathāgato arahaṃ sammāsambuddho,

vijjācaraṇasampanno sugato lokavidū,

anuttaro purisadammasārathi,

satthā devamanussānaṃ buddho bhagavā.

Yo imaṃ lokaṃ sadevakaṃ samārakaṃ sabrahmakaṃ,

sassamaṇabrāhmaṇiṃ pajaṃ sadevamanussaṃ,

sayaṃ abhiññā sacchikatvā pavedesi.

Yo dhammaṃ desesi ādikalyāṇaṃ,

majjhekalyāṇaṃ piriyosānakalyāṇaṃ,

sātthaṃ sabyañjanaṃ kevalaparipuṇṇaṃ,

parisuddhaṃ brahmacariyaṃ pakāsesi.

Tamahaṃ bhagavantaṃ abhipūjayāmi.

Tamahaṃ bhagavantaṃ sirasā namāmi.

 

Dhammābhithuti

(Handa mayaṃ dhammābhithutiṃ karoma se.)

Yo so svākhāto bhagavatā dhammo,

sandiṭṭhiko akāliko,

ehipassiko opanayiko,

paccattaṃ veditabbo viññūhi.

Tamahaṃ dhammaṃ abhipūjayāmi.

Tamahaṃ dhammaṃ sirasā namāmi.

 

Saṅghābhithuti

(Handa mayaṃ saṅgābhithutiṃ karoma se.)

Yo so supaṭipanno bhagavato sāvakasaṅgho,

ujupaṭipanno bhagavato sāvakasaṅgho,

ñāyapaṭipanno bhagavato sāvakasaṅgho,

sāmīcipaṭipanno bhagavato sāvakasaṅgho,

yadidaṃ cattari purisayugāni aṭṭha purisapuggalā,

esa bhagavato sāvakasaṅgho,

āhuneyyo pāhuneyyo,

dakkhiṇeyyo añjalikaraṇīyo,

anuttaraṃ puññakkhettaṃ lokassa.

Tamahaṃ saṅghaṃ abhipūjayāmi.

Tamahaṃ saṅghaṃ sirasā namāmi.

 

Ratanattayappaṇāmagāthā

(Handa mayaṃ ratanattayappaṇāmagāthāyo ceva

saṃvegaparikittanapāṭañca bhaṇāma se.)

(1) Buddho susuddho karuṇāmahaṇṇavo,

yoccantasuddhabbarañāṇalocano;

lokassa pāpūpakilesaghātako,

vandāmi buddhaṃ ahamādarena taṃ.

(2) Dhammo padīpo viya tassa satthuno,

yo maggapākāmatabhedabhinnako;

lokuttaro yo ca tadatthadīpano,

vandāmi dhammaṃ ahamādarena taṃ.

(3) Saṅgho sukhettābhyatikhettasaññito,

yo diṭṭhasanto sugatānubodhako;

lolappahīno ariyo sumedhaso,

vandāmi saṅghaṃ ahamādarena taṃ.

(4) Iccevamekantabhipūjaneyyakaṃ,

vatthuttayaṃ vandayatābhisaṅkhataṃ;

puññaṃ mayā yaṃ mama sabbupaddavā,

mā hontu ve tassa pabhāvasiddhiyā.

 

(Saṃvegaparikittanapāṭha)

Idha tathāgato loke uppanno,

arahaṃ sammāsambuddho,

dhammo ca desito niyyāniko,

upasamiko parinibbāniko,

sambodhagāmī sugatappavedito.

mayantaṃ dhammaṃ sutvā evaṃ jānāma,

jātipi dukkhā,

jarāpi dukkhā,

maraṇaṃpi dukkhaṃ,

soka-parideva-dukkha-domanassu-pāyāsāpi dukkhā,

appiyehi sampayogo dukkho,

piyehi vippayogo dukkho,

yampicchaṃ na labhati tampi dukkhaṃ,

saṅkhittena pañcupādānakkhandhā dukkhā.

seyyathīdaṃ,

rūpūpādānakkhandho,

vedanūpādānakkhandho,

saññūpādānakkhandho,

saṅkhārūpādānakkhandho,

viññāṇūpādānakkhandho.

yesaṃ pariññāya,

dharamāno so bhagavā,

evaṃ bahulaṃ sāvake vineti,

evaṃ bhāgā ca panassa bhagavato,

sāvakesu anusāsanī bahulā pavattati.

rūpaṃ aniccaṃ,

vedanā aniccā,

saññā aniccā,

saṅkhārā aniccā,

viññāṇaṃ aniccaṃ,

rūpaṃ anattā,

vedanā anattā,

saññā anattā,

saṅkhārā anattā,

viññāṇaṃ anattā,

sabbe saṅkhārā aniccā,

sabbe dhammā anattāti.

Te (Tā) mayaṃ otiṇṇāmha,

jātiyā jarāramaṇena,

sokehi paridevehi dukkhehi,

domanassehi upāyāsehi,

dukkhaotiṇṇā dukkhaparetā,

appevanāmimassa kevalassa,

dukkhakkhandhassa antakiriyā paññāyethāti.

(Für die Anhänger und Anhängerinen)

Ciraparinibbutampi taṃ bhagavantaṃ saraṇaṃ gatā,

dhammañca saṅghañca,

tassa bhagavato sāsanaṃ yathāsati yathābalaṃ,

manasikaroma anupaṭipajjāma,

sā sā no paṭipatti,

imassa kevalassa dukkhakkhandhassa,

antakiriyāya saṃvattatu.

(Für die Mönche und die Novize)

Ciraparinibbutampi taṃ bhagavantaṃ uddissa,

arahantaṃ sammāsambuddhaṃ,

saddhā agārasmā anagāriyaṃ pabbajitā,

tasmiṃ bhagavati brahmacariyaṃ carāma,

*bhikkhūnaṃ sikkhāsājīvasamāpannā,

taṃ no brahmacariyaṃ imassa kevalassa,

dukkhakkhandhassa antakiriyāya saṃvattatu.

*Der unterstrichene Satz nur für die Mönche

 

Pattidānagāthā

(Handa mayaṃ pattidānagāthāyo bhaṇāma se)

Ya devatā santi vihāravāsinī,

thūpe ghare bodhighare tahiṃ tahiṃ,

tā dhammdānena bhavantu pūjitā,

sotthiṃ karontedha vihāramaṇḍale.

Therā ca majjhā navakā ca bhikkhavo,

sārāmikā dānapatī upāsakā,

gāmā ca desā nigamā ca issarā,

sappāṇabhūtā sukhitā bhavantu te.

Jalābujā yepi ca aṇḍasambhavā,

saṃsedajātā athavopapātikā,

niyyānikaṃ dhammvaraṃ paṭicca te,

sabbepi dukkhassa karontu saṅkhayaṃ.

Ṭātu ciraṃ sataṃ dhammo, dhammadhārā ca puggalā,

saṅgho hotu samaggo va, atthāya ca hitāya ca.

Amhe rakkhatu saddhammo, sabbepi dhammacārino,

viḍḍhiṃ sampāpuṇeyyāma, dhamme ariyappavedite.

Pasannā hontu sabbepi, pāṇino buddhasāsane,

sammā dhāraṃ pavecchanto, kāle devo pavassatu,

vuḍḍhibhāvāya sattānaṃ, samiddhaṃ netu medaniṃ.

Mātā pitā ca atrajaṃ, niccaṃ rakkhaṇti puttakaṃ,

evaṃ dhammena rājāno, pajaṃ rakkhaṇtu sabbadā.